Amara Kaaviyam Movie Press Meet | Special Program




raj, spiritual, tv shows,

Raj Tv Athma Sangamam | Episode 100







PLEASE CLICK THE ABOVE IMAGE TO WATCH THIS EPISODE HAPPY WATCHING

Sontha Bandham Sun Tv Serial 30-08-14 |Sontha Bandham 30.08.14 |Sontha Bandham 30/08/14 |Sontha Bandham 30th August 2014 |Watch Sontha Bandham Sun Tv Serial Online |Sontha Bandham Todays Episode |Sun Tv Serial | Tamil Tv Serial |Latest Episode Of Sontha Bandham Episode 30-08-2014 – Sontha Bandham Serial Sun TV Today show watch online free | 30.08.2014 Today Sontha Bandham Serial Episode ,Sondha Bandham Serial 30-08-14,Sondha Bandham Serial 30.08.14,Sondha Bandham Serial 30/08/2014,Sondha Bandham Serial 30th August 2014,Sondha Bandham Serial 30.8.2014 Tamil Serial Online,Watch Sondha Bandham Serial 30-08-14 Online,Sondha Bandham Serial 30-8-2014 Tamil Serial Online,Sondha Bandham Serial 30-08-14 Sun Tv Serial Online,Sondha Bandham Serial Sun Tv Serial 30.08.2014,Sun Tv Serial Sondha Bandham Serial 30 August 2014,watch Sondha Bandham 30.08.14
Free Watch Sontha Bandham At www.techsatish.net,Sontha Bandham -Cast,Titlesong,Mp3
Sun TV Sontha Bandham Serial Watch Online At www.techsatish.net
Sontha Bandham Serial, Sontha Bandham Today,Sontha Bandham Wiki,Sontha Bandham story,Sontha Bandham Mega Serial Watch,Sontha Bandham Online,Watch Sontha Bandham Serial Online,Sontha Bandham YouTube,Sontha Bandham Sun Tv Serial,Sontha Bandham promo,Sontha Bandham Drama,Sontha Bandham tamil nadagam,Sontha Bandham Tamil Serial

Sontha Bandham Sun Tv Serial 30-08-14 - Episode 539





Tamilan Tv morning News 31-08-2014

Tamilan Tv morning News 31-08-2014





Vijay Tv Show Athanaikum Asaipadu with Sadhguru 31-08-14 Episode 139



Puthiya Thalaimurai TV History of the day 31-08-2014






Puthiya Thalaimurai TV Fascinating Facts 31-08-2014



Pudhu Pudhu Arthangal – Puthiya Thalamurai TV 31-08-2014











Pudhu Pudhu Arthangal – Puthiya Thalamurai TV 31-08-2014



Public Opinion 31-08-2014

Puthiya Thalaimurai TV Public Opinion 31-08-2014






PLEASE CLICK THE ABOVE IMAGE TO WATCH THIS EPISODE HAPPY WATCHING

Sun Tv Show Deiva Dharisanam 30-08-14



PLEASE CLICK THE ABOVE IMAGE TO WATCH THIS EPISODE HAPPY WATCHING

Sun Tv Show Tamil Raasi Palan 31-08-14




கவலையை மறக்கச் செய்யும் கள்ளங் கபடமில்லா சிரிப்பு






PLEASE CLICK THE ABOVE IMAGE TO WATCH THIS EPISODE HAPPY WATCHING

Sun Tv Show Intha Naal Inia Naal 30-08-14


paramasivan kazhuthil...Kannadasan Hits

Zee Tamil Tv Show Paarmpariya Maruthuvam 30-08-2014




Zeetamil Varam Tharuvaai Iraivaa 30-08-2014



Zeetamil Tv Olimayamana Ethirkaalam 30-08-14

வாழ்க்கை என்பது ஓர் அனுபவம். ஆளுக்கு ஆள் மாறுபடும். சுகமோ துக்கமோ அனுபவம் நம்மை பலப்படுத்துகிறது. காயப்படுத்துகிறது, சிரிக்க வைக்கிறது, அழவைக்கிறது. முடிவில் இதில் எது வாழ்க்கை என்று சிந்திக்க வைக்கிறது.
சிந்திக்கும் மனிதன் தெளிவடைந்தானா என்றால் அதுதான் இல்லை. மேலும், மேலும் குழம்பி முடிவில் தற்கொலையில் வாழ்வை பறிகொடுக்கிறான்.

இவ்வுலகில் படைக்கப்பட்ட மற்ற ஜீவராசிகளுக்கு வாழ்க்கையை பற்றிய ஆராய்ச்சி எதுவுமில்லை. விலங்குகள் தற்கொலை செய்து கொள்வதுமில்லை. காரணம் அவைகளுக்கு முடிவை பற்றிய பயமில்லை. அந்த வகையில் அறியாமை ஒரு வரம்.
தான் அறிவாளி என்று கர்வப்படும் மனிதனால் வாழ்க்கையில் ஜெயிக்க முடிவதில்லை. காரணம் அறிவு மட்டும் வாழ்க்கைக்கு போதாது. அதற்கு மேலும் ஒன்று தேவைப்படுகிறது. அது என்ன..? தன்னம்பிக்கை. மனோபலம் உள்ளவனுக்கு மட்டுமே அது சாத்தியமாகும்.

அப்படி ஒரு விஷயம் இருக்கிறதா…? என்று கேட்பவர்களும் இருக்கிறார்கள்.
வாழ்க்கையை பற்றி தீர்மானமான விளக்கம் எதுவும் இல்லாவிட்டாலும், வாழ்க்கையின் பிரச்சினைகளுக்கு மனோபலம் ஒன்று மட்டுமே தீர்வாக அமைகிறது. ஒவ்வொருவரின் வாழ்க்கை அனுப வங்களே அவர்களின் வழிகாட்டி. அனுபவங் களிலிருந்து அவர்கள் கற்றுக் கொள்ள வேண் டும். அப்படி கற்றுக் கொண்டவன் ஜெயிக் கிறான். கற்றுக் கொள்ளாதவன் தவிக்கிறான்.

ஒரு ஜெர்மனிய பழமொழி, “அனுபவம் என்ற பள்ளியில் மூடன் எதையும் கற்றுக் கொள்ளமாட் டான்” என்கிறது. அப்படி கற்றுக் கொள்ளாதவரை வாழ்க்கை அவனுக்கு வசப்படாது.

இரவும், பகலும் வருவதுமில்லை. போவதுமில்லை. அவை பூமி சுழலுவதால் ஏற்படும் மாற்றங்கள். சுகமும், துக்கமும் வருவதுமில்லை. போவதுமில்லை. நாம் வாழ்வதால் வரும் மாற்றங்கள். பூமி இரவுக்காக வருந்துவதுமில்லை, பகலுக்காக மகிழ்வதுமில்லை.

நாம் நினைக்கும் எண்ணங்கள் உறுதியாகவும், நம்பிக்கையுடனும் இருக்க வேண்டும். அந்த பாசிடிவ் எண்ணங்கள் நம் சூழ்நிலைகளை மாற்றியமைத்து நம்மை வெற்றி பாதையில் அழைத்துக் செல்லும். நம் எண்ணம் ஒருநாள் செயலாகும் போதுதான் அந்த எண்ணத்தின் வலிமை புரியும். நாம் எதுவாக நினைக்கிறோமோ அதுவாக மாறிவிடுவோம்.

- நம்மைவிட உடலில் பலசாலி யானை
- நம்மைவிட வேகத்தில் சிறந்தது குதிரை
- நம்மைவிட உழைப்பில் சிறந்தது கழுதை.

இப்படி மிருகங்கள் நம்மைவிட பலமடங்கு பலசாலிகளாக இருந்தாலும், நாம்தான் இவைகளை அடக்கி ஆள்கிறோம். காரணம் மனிதன் மட்டுமே மனோபலம் கொண்டவன். நமக்கு ஏற்படுகிற பிரச்சினைகளும் அப்படித்தான். அதனை அடக்கியாளும் சக்தி நம்மிடம் உள்ளது.

வாழ்க்கை என்பது என்ன !

பகரா பேங்கன்

தேவையானவை: கத்திரிக்காய் – கால் கிலோ, தேங்காய் துருவல் – 3 டீஸ்பூன், புளி – எலுமிச்சை அளவு, வெங்காயம் – 100 கிராம், தனியா – 3 டீஸ்பூன், எள், சீரகம் - தலா 2 டீஸ்பூன், மஞ்சள்தூள் – கால் ஸ்பூன், மிளகாய்த்தூள் – தேவைக்கேற்ப, வேர்க்கடலை – 3 டீஸ்பூன், கறிவேப்பிலை – சிறிதளவு, இஞ்சி – சிறிய துண்டு, பூண்டு – 5 பல், எண்ணெய், சீரகம் – தாளிக்க தேவையான அளவு, உப்பு – தேவையான அளவு.

செய்முறை: கடாயில் தனியா, எள், வேர்க்கடலை, சீரகம், மிளகு, முந்திரியை தனித்தனியாக வறுத்து மிக்ஸியில் சேர்த்து நைஸாக பொடித்துக் கொள்ளவும். கடாயில் எண்ணெய் ஊற்றி, காய்ந்ததும் நறுக்கிய வெங்காயத்தை சேர்த்து நன்கு வதக்கவும். இதில் நறுக்கிய இஞ்சி, பூண்டு, நறுக்கிய தக்காளி போட்டு வதக்கி… தேங்காய் துருவல் சேர்த்து மேலும் வதக்கவும். ஆறியவுடன் மிக்ஸியில் போட்டு விழுதாக அரைத்து எடுத்துக் கொள்ளவும். ஒரு பாத்திரத்தில் எண்ணெய் ஊற்றி, காய்ந்ததும் நறுக்கிய கத்திரிக்காயை சேர்த்து வதக்கி… உப்பு, மிளகாய்த்தூள், மஞ்சள்தூள் போட்டு, சிறிது தண்ணீர் சேர்த்து மேலும் வதக்கவும். பிறகு புளிக்கரைசல், அரைத்த மசாலா பொடி, மசாலா விழுது சேர்த்து வதக்கவும். மற்றொரு கடாயில் எண்ணெய் ஊற்றி, காய்ந்ததும் சீரகம், கறிவேப்பிலை தாளித்து, கத்திரிக் காயுடன் சேர்த்து, எண்ணெய் தெளிந்தவுடன் இறக்கவும்.

இது… சப்பாத்தி, இட்லியுடன் சாப்பிட அட்டகாசமாக இருக்கும்.

ஸ்வீட் கார்ன் பனீர் கோஃப்தா

தேவையானவை: ஸ்வீட் கார்ன் – 100 கிராம், பனீர் – 50 கிராம், உருளைக்கிழங்கு – 2, முந்திரிப் பருப்பு – 10, முந்திரி விழுது – சிறிதளவு, தக்காளி விழுது – 100 கிராம், மிளகாய்த்தூள் – தேவைக்கேற்ப, வெங்காயம் – 2, சோம்பு – ஒரு டீஸ்பூன், பச்சை மிளகாய் – 3, கரம் மசாலாத்தூள் – ஒரு டீஸ்பூன், மைதா - 2 டேபிள்ஸ்பூன், மஞ்சள்தூள் – கால் டீஸ்பூன், கொத்தமல்லி இலை – சிறிதளவு, இஞ்சி – பூண்டு விழுது – 2 டேபிள்ஸ்பூன், எண்ணெய், உப்பு – தேவையான அளவு.

செய்முறை: பாத்திரத்தில் தண்ணீர் ஊற்றி, கொதித்ததும் ஸ்வீட் கார்னை போட்டு ஐந்து நிமிடத்துக்குப் பிறகு எடுத்து, தண்ணீரை வடிகட்டி மிக்ஸியில் ஒரு சுற்று சுற்றி எடுத்து வைக்கவும். பனீரை உதிர்த்துக் கொள்ளவும். உருளைக்கிழங்கை வேக வைத்து, தோலுரித்து மசித்துக் கொள்ளவும். ஒரு பாத்திரத்தில் மூன்றையும் ஒன்றாக சேர்த்து… அதனுடன் உப்பு, சோம்பு, நறுக்கிய பச்சை மிளகாய் சிறிதளவு, உடைத்த முந்திரி, கொத்தமல்லி இலை, மைதா, கரம் மசாலாத்தூள் சேர்த்து நன்கு பிசைந்து சிறு சிறு உருண்டைகளாக உருட்டி, காயும் எண்ணெயில் போட்டு பொரித்தெடுத்து தனியே வைக்கவும்.

கடாயில் எண்ணெய் விட்டு, காய்ந்ததும் நறுக்கிய வெங்காயத்தைப் போட்டு பொன்னிறமாக ஆகும் வரை வதக்கி… இஞ்சி – பூண்டு விழுது, மீதமுள்ள பச்சை மிளகாய், மஞ்சள்தூள், மிளகாய்த்தூள், தக்காளி விழுது, உப்பு சேர்த்து எண்ணெய் பிரிந்து வரும் வரை வதக்கவும். பிறகு, முந்திரி விழுதையும் சேர்த்து வதக்கி, தேவையான அளவு தண்ணீர் ஊற்றி, நன்கு கொதித்ததும் பொரித்து வைத்திருக்கும் உருண்டைகளை சேர்க்கவும். கொத்தமல்லி இலை தூவி இறக்கவும்.

இதை புலாவ், சாதம், சப்பாத்தி, நாண் ஆகியவற்றுக்கு சைட் டிஷ்ஷாக பரிமாறலாம்.

வாழைக்காய் சட்னி

தேவையானவை: வாழைக்காய் – ஒன்று, காய்ந்த மிளகாய் – 8, பெரிய வெங்காயம் – ஒன்று, சின்ன வெங்காயம் – 10, பூண்டு – ஒரு பல், தக்காளி – 2, புளி – சிறிதளவு, சோம்பு – ஒரு டீஸ்பூன், கறிவேப்பிலை, கொத்தமல்லி இலை – சிறிதளவு, கடுகு, உளுத்தம்பருப்பு, எண்ணெய் – தலா ஒரு டீஸ்பூன், உப்பு – தேவையான அளவு.

செய்முறை: வாழைக்காயை வேக வைத்து, தோலுரித்து, கட்டியில்லாமல் பிசைந்து வைத்துக் கொள்ளவும். காய்ந்த மிளகாய், பூண்டு, புளி, சோம்பு ஆகியவற்றை ஒன்றுசேர்த்து மிக்ஸியில் நைஸாக அரைத்துக் கொள்ளவும். அடுப்பில் கடாயை வைத்து, எண்ணெய் ஊற்றி, காய்ந்ததும் கடுகு, உளுத்தம்பருப்பு, கறிவேப்பிலை தாளித்து… நறுக்கிய பெரிய வெங்காயம், சின்ன வெங்காயத்தைப் போட்டு நன்கு வதக்கவும். பின்னர் இதில் நறுக்கிய தக்காளி, உப்பு சேர்த்து சிறிது நேரம் வதக்கி, அரைத்த மசாலா விழுது, மசித்த வாழைக்காய் போட்டு வதக்கவும். பிறகு தேவையான அளவு தண்ணீர் சேர்த்து நன்கு வதக்கி, எண்ணெய் தெளிந்தவுடன் கொத்தமல்லி இலை தூவி இறக்கவும்

இதை… இட்லி, தோசையுடன் பரிமாறலாம்

சைட் டிஷ்’ ரெசிபிகள் :-

காதினுள் உயிருள்ள பூச்சி சென்றுவிட்டால், முதலில் அப்பூச்சியை சாகடிப்பதற்கு முயற்சி செய்ய வேண்டும்.

உடனடியாக காதினுள் எண்ணையையோ உப்புக் கரைசலையோ காது நிரம்ப ஊற்ற வேண்டும்.

காதினுள் சென்ற பூச்சியின் மூச்சு தடைப் பட்டு பூச்சி உடனடியாக இறந்து விடும். அல்லது பூச்சி மிதந்து மிதந்து வெளியே வந்து விடும்.

தண்ணீரை மட்டும் காதினுள் ஊற்றுவது நல்லதல்ல. ஏனெனில் தண்ணீரிலும் பூச்சி வாழ்வதற்குத் தேவையான பிராண வாயு உண்டு. ஆகவே பூச்சி அதிகத் துடிப்போடு கடிக்க ஆரம்பிக்கும்.

பூச்சி வெளியே தெரிந்தாலும், பூச்சியின் காலையோ உடம்பையோ பிடித்து இழுக்கக் கூடாது. ஏனென்றால் கடித்துக் கொண்டிருக்கும் பூச்சி அதிவேகமாகக் கடித்துக் கொண்டிருக்குமே தவிர விடாது. இன்னும் வேகமாக உடம்பைப் பிடித்து இழுத்தால், பூச்சியின் உடம்புதான் தலையிலிருந்து துண்டிக்கப்பட்டு வெளியே வரும். அல்லது பூச்சி கடித்திருக்கும் செவிப் பறையும் கிழிந்து பூச்சியின் வாயோடு வெளியே வந்து விடும்.

ஆகவேதான் பூச்சியை முதலில் சாகடித்து விட வேண்டும். பிறகு அப்புறப்படுத்த வேண்டும். சிறு குழந்தைகளுக்கு மட்டுமின்றி பெரியவர்களுக்கும் இந்தப் பிரச்சினை ஏற்படுவதுண்டு.
ஜாக்கிரதையாகக் கையாளா விட்டல் ஆபரேஷன் வரை போய் முடியும்.

காதில் நுழைந்த பூச்சி எடுப்பது எப்படி?



ஆசிய பசிபிக் உலக அழகியாக தேர்ந்தெடுக்கப்பட்ட பெண் ஒருவர் தனது அழகிப் பட்டத்தை பறிகொடுத்துள்ளார்.மரியாதையற்ற முறையிலும் நேர்மையற்ற முறையிலும் நடந்துகொண்டுள்ளதாக குற்றம் சாட்டியே அவரது அழகிப் பட்டம் பறிக்கப்பட்டுள்ளது.

அழகி கிரீடத்துடனும் அவருக்கு அளிக்கப்பட்ட மார்பக உள்ளீடுகளுடனும் (breast implants) அவர் காணாமல்போயிருப்பதாக போட்டி ஏற்பாட்டாளர்கள் கூறியுள்ளனர்.

மியன்மாரிலிருந்து முதல் பெண்ணாக, 18 வயதான மே மியட் நோ கடந்த ஆண்டு அழகிப் போட்டியில் வெற்றிபெற்றிருந்தார்.

ஒரு லட்சம் டாலர்கள் பெறுமதியான கிரீடம் ஒன்றும் பத்தாயிரம் டாலர்கள் செலவில் மார்பக உள்ளீடுகளும் அவருக்கு வழங்கப்பட்டதாக போட்டி ஏற்பாட்டாளர்கள் கூறுகின்றனர்.

பொய் கூறியதன் மூலம், அழகி ஒருவருக்கான ஆளுமையையும் நாணயத்தையும் அவர் இழந்துவிட்டதாக கடந்தவாரம் அவருக்கு அறிவிக்கப்பட்டதைத் தொடர்ந்து, அவர் காணாமல்போய்விட்டதாக அழகிப் போட்டி ஏற்பாட்டுக்குழுவின் பேச்சாளர் ஒருவர் தெரிவித்தார்.

பொய் கூறியதால் பட்டத்தைப் பறிகொடுத்த அழகி



முப்பது லட்சத்துக்கும் அதிகமான சிரியாவின் மக்கள் தற்போது அகதிகளாக பதிவு செய்யப்பட்டிருக்கிறார்கள். இது ஐநாவின் அகதிகளுக்கான அமைப்புக்கு பெரும் பிரச்சினையாக உருவெடுத்துள்ளது.


சிரியாவின் மக்களில் கிட்டத்தட்ட அரைவாசிப் பேர் தமது வீடுகளை விட்டு வெளியேற நிர்ப்பந்திக்கப்பட்டிருக்கும் நிலையில், இந்த சகாப்தத்தின் மிகப்பெரிய மனிதநேய அவசரம் இது என்று யூ என் எச் சி ஆர் விபரித்துள்ளது.

பெரும்பாலான அகதிகள் சிரியாவுக்கு அருகில் இருக்கும் நாடுகளுக்கு ஓடியிருக்கிறார்கள். குறிப்பாக பலர் லெபனானில் தஞ்சமடைந்துள்ளனர்.

கடந்த 3 வருடகால உள்நாட்டுப் போரில் சிரியாவில் 190,000 பேர் உயிரிழந்திருக்கிறார்கள்.

தனது ஆட்சிக்கு எதிரான போராட்டங்களை வன்முறைகொண்டு அதிபர் அசாத் அவர்கள் மார்ச் 2011இல் அடக்கியது முதல் எதிர்க்கட்சிகள் அவருக்கு எதிராக சண்டையிட்டு வருகின்றன.

அண்மையில், இஸ்லாமிய அரசுக் குழுவின் உருவாக்கமும், சிரியா மற்றும் இராக்கின் பகுதிகளில் அது முன்னேறியமையும், அங்கு நிலைமையை மேலும் மோசமாக்கியுள்ளன.

சிரியா மக்களில் எட்டில் ஒருவர் நாட்டை விட்டு ஓடிவிட்டதாகவும், 65 லட்சம் பேர் உள்நாட்டிலேயே இடம்பெயர்ந்துள்ளதாகவும் ஐநாவின் அகதிகளுக்கான அமைப்பு கூறுகின்றது.

முன்னெப்போதும் இல்லாத நெருக்கடி இது என்று ஐநாவின் அகதிகளுக்கான அமைப்பின் தலைமை பேச்சாளரான மெல்லிசா ஃபிலமிங் கூறுகிறார்.

அண்டை நாடுகளுக்கு வருகின்ற மக்கள், அதிர்ச்சியில், பயத்தில் இருக்கிறார்கள். அவர்களில் பலர் கடந்த ஒரு வருடமாக கிராமம், கிராமமாக இடம்பெயர்ந்து வந்திருக்கிறார்கள்.

சிரியாவுக்கு வெளியேயும் மக்கள் இடம்பெயர்வது கடினமாகி இருக்கிறது. பல இடங்களில் ஆயுதக் குழுக்களுக்கு லஞ்சம் கொடுத்தே மக்கள் தப்பி வரவேண்டியிருப்பதாக யூ என் எச் சி ஆர் கூறுகிறது.
தொடர்ச்சியான இடப்பெயர்வு காரணமாக அங்குள்ள லட்சக்கணக்கான குழந்தைகளின் கல்வி மோசமாகப் பாதிக்கப்பட்டிருக்கிறது.

கல்வி இழப்பு என்பது அங்கு மிகவும் கவலைக்குரிய ஒரு விசயமாக இருப்பதாக யுனிசெஃப் அமைப்பின் பேச்சாளரான ரொஜர் கேர்ன் பிபிசியிடம் கூறினார்.

சிரியாவில் இருக்கும் நெருக்கடியை தீர்ப்பதற்கான நடவடிக்கைகள் தாராளமானவைதான். ஆனால், அங்கு இருக்கும் தேவைக்கு அது போதாது என்பதுதான் இங்கு கசப்பான உண்மை.

சிரியாவின் பிரச்சினைக்கு தீர்வு காண, போதுமான நடவடிக்கையை எடுக்க மேற்குலகம் தவறி விட்டது என்று வியாழனன்று பிரான்ஸ் நாட்டின் அதிபரான பிரான்சுவா ஹொலந்த் குரலெழுப்பியிருந்தார். அதற்கான பிரதிபலன் தற்போது கண்கூடாகத் தெரிவதாகவும் அவர் கவலை வெளியிட்டுள்ளார்.

இஸ்லாமிய அரசு தீவிரவாதிகளின், ''பொதுமக்களுக்கு எதிரான வன்செயல்கள்'' ஒரு புதிய மட்டத்துக்கு சென்று விட்டதாக ஐநாவின் மனித நேய நடவடிக்கைகளுக்கான துணை தலைவர் கூறியுள்ளார்.

தீவிரவாதிகளின் நடவடிக்கை நிவாரண நடவடிக்கைகளுக்கு அச்சுறுத்தலாக இருப்பதாகவும் அவர் கூறியுள்ளார்.

ஆனால், தீவிரவாதிகளுக்கு எதிராக அதிபர் அசாத்துடன் சேர்ந்து மேற்கத்தைய நாடுகள் செயற்படாது என்று அமெரிக்க அதிபர் குறிப்பிட்டுள்ளார்.

சிரியா : 30 லட்சம் பேர் நாட்டை விட்டு வெளியேறினர்



கனடா நாட்டு ஆராய்ச்சியாளர்கள் எபோலா வைரஸ் கொல்லி மருந்தை கண்டுபிடித்து, அதனை குரங்குகளுக்கு கொடுத்து பரிசோதனை செய்து வெற்றி கண்டுள்ளனர்.

தற்போது உலகத்தையே அச்சுறுத்திக்கொண்டு இருக்கும் ஒரு வார்த்தை என்றால் அது கண்டிப்பாக எபோலா வைரஸ் என்றால் அது மிகையாகாது.

முதலில் மேற்கு ஆப்பிரிக்க நாட்டில் இந்நோயால் பலர் பாதிக்கப்பட்டு உயிர் இழந்தனர். பின் இந்நோய் படிப்படியாக மற்ற நாடுகளுக்கும் பரவியது.
இதனால் விமான நிலையங்களில் மருத்துவர் குழுவை நியமித்து பரிசோதனை செய்த பிறகே வெளிநாட்டு பயணிகளை அவரவர் தங்கள் நாட்டிற்குள் அனுமதிக்கின்றனர்.

இந்நிலையில் கனடா நாட்டின் ஆய்வு கூடம் ஒன்றில் எபோலா பாதிப்படைந்த 18 குரங்குகளுக்கு நோய் குணப்படுத்தப்பட்டுள்ளது. எனவே இக்காரணத்தால் மனிதர்களுக்கும் இம்மருந்து பயணடைந்து உயிரை காப்பாற்றும் என ஆய்வாளர்கள் கூறியுள்ளனர்.

எபோலா நோய் மருந்துவ சிகிச்சையில் குரங்கு பிழைத்தது



நேற்று விஷாலின் பிறந்தநாள். திநகரிலுள்ள நட்சத்திர விடுதியில் கேக் வெட்டி பிறந்தநாளை கொண்டாடினார். பாண்டிய நாடு படம் நடிகர், தயாரிப்பாளர் என விஷாலுக்கு இருவகையில் வெற்றிப் படமாக அமைந்தது அவரது தன்னம்பிக்கையை அதிகரித்துள்ளதை பார்க்க முடிந்தது. எடுத்த உடனேயே தடாலடி பேச்சுதான்.

திருட்டு டிவிடி பிரச்சனையில் விஷால்தான் சமீபத்தில் நேரடியாக களத்தில் இறங்கி இரண்டு பேரை போலீசில் பிடித்துக் கொடுத்தார். அதுபற்றி கேட்டதற்கு, திருட்டு டிவிடி பிரச்சனை இப்போது பூதாகரமாகிவிட்டது. இதுவரை வாசலில் இருந்தது இப்போது பெட்ரூம்வரைக்கும் வந்துவிட்டது. இதற்கு திரைத்துறையில் இருப்பவர்கள்தான் போராட வேண்டும். அரசை குறை சொல்லி பயனில்லை என்றார்.

இந்த பிறந்தநாளில் அவர் ஒரு கொள்கையை நடைமுறைப் படுத்தயிருப்பதாகவும் கூறினார். இனி, தனக்குப் பிடித்ததை மட்டுமே செய்வாராம். உதாரணமாக அவர்களின் வீட்டில் சில விழாக்களில் கறுப்பு உடை அணிவது பிடிக்காதாம். ஆனால் விஷாலுக்கு கறுப்பு சட்டை போடுவது பிடிக்கும். இந்த மாதிரி நிறைய விஷயங்கள் இருக்கிறதாம். இனி மற்றவர்களைப் பற்றி கவலைப்படாமல் தன்னுடைய விஷயத்தில் தனக்கு விருப்பமானதை மட்டுமே செய்யவிருப்பதாக தெரிவித்தார்.

மேலும், ஆர்யா, ஜீவா, கார்த்தியுடன் இணைந்து நடிகர் சங்க நிதி உதவிக்காக ஒரு படம் இலவசமாக நடிப்பதாக சொன்னதையும் உறுதி செய்தார்.

அந்த பூதம் வாசலில் இருந்து பெட்ரூமுக்கு வந்துவிட்டது


கோவை ஆவாரம்பாளையத்தில், நடத்தையில் சந்தேகப்பட்டு மனைவியைக் கொடூரமாகக் குத்தி, கணவர் கொலை செய்துள்ளார்.

கோவை ஆவாரம்பாளையம் ஷோபா நகரிலுள்ள பட்டாளம்மன் கோயில் வீதியை சேர்ந்தவர் 30 வயதுடைய சந்தோஷ்குமார். மோல்டிங் கூலி தொழிலாளி.

இவரது மனைவி 29 வயதுடைய உமா மகேஸ்வரி. இவர், சித்தாப்புதூர் பகுதியிலுள்ள ஒரு தனியார் மெட்ரிக் பள்ளியில் ஆசிரியராக பணியாற்றி வந்தார்.

8 ஆண்டுகளுக்கு முன்பு இவர்களுக்குத் திருமணம் நடந்தது. இந்தத் தம்பதியினருக்கு 6 வயதுடைய யாசினி என்ற மகளும் 5 வயதுடைய விகாஷ் என்ற மகனும், உள்ளனர்.

கடந்த சில மாதங்களாக சந்தோஷ்குமார் சரியான வேலையின்றி இருந்துள்ளார். அவர் அடிக்கடி குடித்துவிட்டு வீட்டுக்கு வந்து மனைவியிடம் தகராறு செய்துள்ளார்.

இதனிடையே, மனைவியின் நடத்தையில் சந்தோஷ்குமாருக்கு சந்தேகம் ஏற்பட்டுள்ளது. இதனால், இருவருக்குமிடையே அடிக்கடி வாக்குவாதம் முற்றி சண்டை நடந்துள்ளது.

இந்நிலையில் வழக்கம்போல் குடிபோதையில் வீட்டுக்கு வந்த சந்தோஷ்குமார் மனைவி உமாமகேஸ்வரியிடம் தகராறில் ஈடுபட்டு சண்டை போட்டுள்ளார்.

அப்போது, அங்கிருந்த கத்தியை எடுத்து உமாமகேஸ்வரியை சரமாரியாக குத்தி கொலை செய்துள்ளார். இரவு முழுவதும் பிணத்துக்கு அருகிலேயே படுத்து தூங்கிய அவர், காலை 6.30 மணிக்கு பீளமேடு காவல் நிலையத்துக்குச் சென்று சரணடைந்தார்.

இதைத் தொடர்ந்து சந்தோஷ்குமாரை காவல் துறையினர் கைது செய்து சிறையில் அடைத்தனர்.

நடத்தையில் சந்தேகப்பட்டு பள்ளி ஆசிரியையைக் கொடூரமாகக் குத்திக் கொலை செய்த கணவர்



தமிழ்ப் படங்களின் பிரமோஷன் நிகழ்ச்சியில் கலந்து கொள்ளாமல், வயிறு சரியில்லை, பிளைட் லேட் என்று ஏதாவது காரணம் சொன்னால் கண்டு கொள்ளாமல் விட்டுவிடுவார்கள். அஞ்சான் பாடல்கள் வெளியீட்டு விழாவில் ஆப்சென்டான சமந்தா அப்படிதான் ஒரு கதை சொன்னார்.

தெலுங்கு, கன்னடத்தில் இந்த அழுகுணி ஆட்டம் செல்லுபடியாகாது. ரெட் கார்டே போட்டுவிடுவார்கள். அனாமிகா படத்தின் பிரமோஷனில் கலந்து கொள்ளாததால் நயன்தாராவை அதன் பிறகு எந்த தெலுங்குப் படத்திலும் ஒப்பந்தம் செய்யவில்லை.

த்ரிஷா நடித்துள்ள முதல் கன்னட படம் பவர். இதன் பாடல்கள் வெளியீட்டு விழாவில் த்ரிஷா கலந்து கொள்ளவில்லை. அவ்வளவுதான். நாலா திசைகளிலிருந்தும் நெருக்கடி. பிறகு வேறு வழியில்லாமல் பெங்களூருவில் வைத்தே பத்திரிகையாளர்கள் மூலம் பகிரங்க மன்னிப்பு கேட்டார். வேறு படங்களில் பிஸியாக நடித்துக் கொண்டிருந்ததால் விழாவில் கலந்து கொள்ள முடியவில்லை. அதற்காக மன்னிப்பு கேட்டுக் கொள்கிறேன் என்றார்.

அத்துடன், பெங்களூரு எனக்கு இரண்டாவது வீடு மாதிரி. பவர் படத்தில் நடித்தது மிக்க மகிழ்ச்சியானது என்று இரண்டு பிட்டையும் போட்டுள்ளார்.

மன்னிப்பு கேட்ட த்ரிஷா



கௌதம் இயக்கத்தில் அஜீத் நடித்து வரும் படத்துக்கு இன்னும் பெயர் வைக்கவில்லை. அவரது 55 -வது படம் என்பதால் தல 55 என்றுதான் குறிப்பிடுகின்றனர்.

இதன் முதல்கட்ட படப்பிடிப்பில் சால்ட் அண்ட் பெப்பர் ஹேர் ஸ்டைலுடன் மீசையில்லாமல் அஜீத் நடித்தார். உடன் நடித்தவர் அனுஷ்கா. படத்தின் ப்ளாஷ்பேக் காட்சிகளில் த்ரிஷா வருகிறார். இவருடன் வரும் அஜீத் கறுப்பு முடியுடன் அடர்த்தியான மீசையுடன் தோன்றுகிறார். இந்தப் படத்தில் அஜீத்துக்கு இந்த இரண்டு கெட்டப்புகள்தான் என்று நினைத்திருந்தவேளையில் சர்ப்ரைஸ் குண்டு ஒன்றை போட்டுள்ளது படயூனிட்.

என்ன அது?

படத்தில் அஜீத்துக்கு மூன்றாவது கெட்டப் ஒன்றும் உள்ளது. அந்த கெட்டப்பை மிக ரகசியமாக வைத்துள்ளனர். படத்தின் ஹைலைட்களில் அதுவும் ஒன்றாக இருக்கும் என்கிறார்கள்.

கௌதம் படத்தில் அஜீத்தின் மூன்றாவது சீக்ரெட் கெட்டப்



ரஷ்யாவுடன் மோத நினைத்தால் அனைத்து வழிகளிலும் பதிலடி கொடுக்கப்படும் என்று ரஷ்ய அதிபர் விளாதிமிர் புடீன் எச்சரித்துள்ளார்.

இது குறித்து அவர் கூறுகையில், “மற்ற நாடுகளுடன் சண்டையில் ஈடுபடும் எண்ணம் தங்களுக்கு இல்லை. ஆனால், தங்களிடம் மோத நினைத்தால் அனைத்து வழிகளிலும் பதிலடி கொடுக்கப்படும்.

ரஷ்ய ராணுவப் படை நவீன தொழில் நுட்பங்களுடன் வலிமை பெற்று வருகிறது. ராணுவ வலிமையில் தனது அரசு முழு கவனம் செலுத்தி வருகிறது“ எள்று விளாதிமிர் புடீன் தெரிவித்துள்ளார்.

கிழக்கு உக்ரைன் மக்கள் ரஷ்யாவுடன் இணைய விருப்பபி உக்ரைன் அசுக்கு எதிராகப் போராடி வருவகின்றனர்.

இந்நிலையில் அமெரிக்கா உள்ளிடட்ட ஏகாதிபத்திய நாடுகள் ரஷ்யாவிக்கு எதிராக, ஐரேப்பிய ஒன்றியத்தில் இணைய விரும்பும் உக்ரைனுக்கு ஆதரவாக பல்வேறு நடவடிக்கைகளை எடுத்து வருகின்றன என்பது குறிப்பிடத்தக்கது.

ரஷ்யாவுடன் மோத நினைத்தால் அனைத்து வழிகளிலும் பதிலடி கொடுக்கப்படும்: புடீன் எச்சரிக்கை


முதல் நாள் சோற்றில் நீரூற்றி, மறுநாள்சாப்பிடும் இந்த பழைய சாதத்தில் தான் பி6,பி12 ஏராளமாக இருக்கிறது என்கிறார்
அமெரிக்காவில் இருக்கும் ஒரு மருத்துவர்.தவிரவும் உடலுக்கு, குறிப்பாக சிறு குடலுக்கு நன்மை செய்யும்
'ட்ரில்லியன்ஸ் ஆஃப் பாக்டீரியாஸ்' (கவனியுங்கள்: 'மில்லியன்'
அல்ல 'ட்ரில்லியன்') பெருகி நம் உணவுப்பாதையையே ஆரோக்கியமாகவைத்திருக்கிறதாம்! கூடவே இரண்டு சிறிய வெங்காயம் சேரும்போது, நோய் எதிர்ப்பு சக்தி அபரிமிதமாக பெருகுகிறதாம். அப்புறம் பன்றிக் காய்ச்சல் என்ன, எந்தக்
காய்ச்சலும் நம்மை அணுகாது! பழைய சாதத்தின் மகத்துவத்தைப்
பற்றி அமெரிக்காவில் வசிக்கும் நம் இந்தியவிஞ்ஞானி ப்ரதீப் கூறியதில் இருந்து சில:

1. "காலையில் சிற்றுண்டியாக இந்த பழைய சாதத்தைக் குடிப்பதால், உடல் லேசாகவும், அதே சமயம் சுறுசுறுப்பாகவும் இருக்கிறது.

2. இரவே தண்ணீர் ஊற்றி மூடி வைப்பதால் இலட்சக்கணக்கான நல்ல பாக்டீரியாக்கள் இதில் உருவாகிறது.

3. மறுநாள் இதை குடிக்கும் போது உடல் சூட்டைத் தணிப்பதோடு குடல்புண், வயிற்று வலி போன்றவற்றையும் குணப்படுத்தும்.

4. அதுமட்டுமில்லாமல் இதிலிருக்கும் நார்ச்சத்து, மலச்சிக்கல் இல்லாமல் உடலை சீராக இயங்கச் செய்கிறது.

5. இந்தப் பழைய சாதம் உணவு முறையை சில நாள் தொடர்ந்து நான் சாப்பிட்டதில் நல்ல வித்தியாசம் தெரிந்தது. இரத்த அழுத்தம்
கட்டுக்குள் வந்துவிட்டதோடு, உடல் எடையும் குறைந்தது." என்கிறார்.

6. மிகவும் முக்கியமான விஷயம் என்னவென்றால் உடலுக்கு அதிகமான சக்தியை தந்து நாள் முழுக்க சோர்வின்றி வேலை செய்ய உதவியாக இருக்கிறது.

7. அலர்ஜி, அரிப்பு போன்றவை கூடசட்டென்று சரியாகி விடும்.

8. அல்சர் உள்ளவர்களுக்கு இதைக்கொடுத்து வர, ஆச்சரியப்படும் அளவிற்குப்பலன் கிடைக்கும்.

9. எல்லாவற்றிற்கும் மேலாக நோய் எதிர்ப்பு சக்தி அதிகளவில் கிடைப்பதால், எந்தநோயும் அருகில்கூட வராது.

10. ஆரோக்கியமாக அதே சமயம் இளமையாகவும் இருக்கலாம்".

பழைய சாதத்தை எப்படி செய்வது:

பழைய சாதத்திற்கு மிகவும் சிறந்தது பிரெளன் ரைஸ் என்று அழைக்கப்படும் கைக்குத்தல் அரிசிதான்.ஒரு கல் சட்டி அல்லது மண் சட்டியில்சிறிது சாதத்தைப் போட்டு, சுத்தமான தண்ணீரை நிறைய ஊற்றவும். மறுநாள் சாதத்தை நன்கு பிசைந்து, மோர் சிறிது சேர்த்து, சின்னவெங்காயம் சேர்த்துக் குடிக்க 'ஜில்'லென்று இருக்கும் (மிகவும்
சூடாக இருக்கும் சாதத்தில் தண்ணீரை ஊற்றக்கூடாது.)
மதிய உணவு நேரம் வரை டீ,
காபி கேக்காது வயிறு!

பழைய சாதத்தின் பலன்கள் :-



சமீபத்தில் நடந்த விருது விழாவில், நீங்க ஒரு ஹீரோயினை கடத்துவதாக இருந்தால் யாரை கடத்துவீங்க என்று விஜய் சேதுபதியிடம் கேட்கப்பட்டது. மனிதர் யோசிக்கவேயில்லை.

பட்டென்று நயன்தாரா என்றார். அவ்ளோ இஷ்டமாம் நயன்தாரா மீது. சொன்னதோடு இல்லாமல் மனிதர் நயன்தாராவை கடத்தியும் விட்டார். புரியலை...?

நயன்தாராவுடன் ஜோ‌டியாக நடிக்கிறார் விஜய் சேதுபதி.

இந்த அரிய வாய்ப்பை அவருக்கு வழங்கியவர் தனுஷ். அவரது வுண்டர்பார் தயாரிக்கும், நானும் ரவுடிதான் படத்தில் விஜய் சேதுபதி ஹீரோ, நயன்தாரா ஹீரோயின். அனிருத் இசை, ராஜா ராணி ஜார்ஜ் வில்லியம்ஸ் ஒளிப்பதிவு. படத்தை இயக்குகிறவர் போடா போடியை இயக்கிய விக்னேஷ் சிவா.

சே... இப்போதெல்லாம் ரவுடிகளுக்குதான் லக் அடிக்கிறது.

நயன்தாராவை நிஜமாகவே கடத்திய விஜய் சேதுபதி

நீரிழிவு நோய் ஆட்கொல்லி நோய் இது குணமாக, கீழ்க் காணும் இயற்கை மருந்துகளைப் (பக்க விளைவு இல்லாத ) பயன்படுத்திக் குணம் பெறலாம்.

அத்திமரப் பட்டையின் பொடி அரை அவுன்சுடன் பாகற்காய்ச் சாறு கலந்து சாப்பிடலாம்.

இரண்டு தேக்கரண்டி திரிபலா சுரணத்தை இரவு படுக்குமுன் சாப்பிட்டுத் தண்ணீர் அருந்தலாம்.

இரவு ஒரு கோப்பை நீரில் சிறிதளவு வெந்தயம் ஊறப்போட்டு, காலையில்,வெந்தயம் ஊறிய நீரைக் குடிக்கவும் குணம் கிட்டும்.

50 மி.லி. சீந்தில் கொடிச் சாற்றுடன் 25 மி.லி. அளவு தேன் சேர்த்துத் தினமும் வெறும் வயிற்றில் அருந்தினால் நோய் குறையும்.

500 மி.லி. அளவு நாட்டு (பெரிய ) நெல்லிக்காய்க் கஷாயத்தில் மஞ்சள் பொடி அரைத் தேக்கரண்டி, தேன் அரைத் தேக்கரண்டி கலந்து, தினமும் காலையில், வெறும் வயிற்றில் அருந்தினால் நோய் குறையும்.

சிலந்தி நாயகம் எனும் வெடிக்காயிச் செடி இலைச்சாறு 2 தேக்கரண்டி, காய்ச்சிய பசும்பால் 1 கோப்பை , தேன் 2 தேக்கரண்டி, இம்மூன்றும் கலந்து காலை, மாலை என 2 வேளைகள் வீதம் தினம் வெறும் வயிற்றில் உணவுக்கு அரை மணி நேரத்திற்கு முன்பு, 40 நாட்கள் குடித்து வந்தால், நீரிழிவு நோய் முற்றிலும் குணமாகும்.

அருகம்புல் சாறு, வல்லாரை இலைச் சாறு, சிறுகுறிஞ்சான் (சர்க்கரைக் கொல்லி ) இலைச் சாறு, நாட்டு (பெரிய) நெல்லிக்காய்ச் சாறு,
மஞ்சணத்தி இலைக் கொழுந்து சாப்பிடலாம். மாங்கொட்டைப் பருப்பு சாப்பிடலாம். நாவற்பழக் கொட்டைத் தூளுடன் தேன் கலந்து சாப்பிடலாம்.
ஆலம் விழுது, நாவல் மரப்பட்டை, மருதமரப்பட்டை மூன்றையும் நீர் விட்டுக் காய்ச்சிக் குடிக்கலாம்.

நித்தியா கல்யாணி வேரைப் பொடி செய்து உண்ணலாம். பொடுதலைப் பச்சிலை, வல்லரையுடன் தேன் கலந்து உண்ணலாம்.

புங்கம் மலர்களைக் காய்ச்சிக் குடிக்கலாம். சிறுகீரை வேரினைச் சூப் செய்து சாப்பிட்டு வரலாம்.

துவரம் பருப்பு 50 கிராம், வெந்தயம் 25 கிராம் இரண்டையும் நன்றாக வேகவைத்து கடைந்து, உப்புச் சேர்த்து, சாதத்தில் போட்டுப் பிசைந்து, தொடர்ந்து 40 நாட்கள் சாப்பிடலாம்.

நீரிழிவு நோய் குணம் அடைய மேற்கொள்ள வேண்டிய யோகாசனங்கள்:

சித்தாசனம், சிரசாசனம், சர்வாங்கசனம், மத்ஸ்யாசனம், அர்த்த மச்சேந்திராசனம், ஹலாசனம், சக்கராசானம், பவனமுக்தாசனம், மயூராசனம், யோகமுத்ராசனம், மகா முத்ராசனம், தனுராசனம், பச்சிமோத்தாசனம், பாதஹஸ்தாசனம், சாந்தி ஆசனம் ஆகிய ஆசனங்கள் செய்து வரலாம்

மேதி என்ற அழைக்கப்படும் வெந்தயம் ஒரு மா மருந்து. கீரைவகையில் இருந்து கிடைக்கும் விதையாகும். காஷ்மீர் முதல் கன்னியாகுமரி வரை அனைத்து இடங்களிலும் வெந்தயம் விளைகிறது. வாரம் ஒருமுறை வெந்தயத் தண்ணீர் குடித்து வர, உடல் சூடு, மலச்சிக்கல், வாயு, கபம், இருமல், சீதக்கழிச்சல், வெள்ளைப்படல், இளைப்புநோய் என எந்த நோயும் அண்டாது. இது தவிர, உடலை வனப்புடன் வைப்பதில் வெந்தயத்தின் பங்கு அலாதியானது.

வெந்தயத்துடன், சிறிதளவு பெருங்காயத்தையும் போட்டு வறுத்து பொடி செய்த பின் ஒரு டம்ளர் வெந்நீரிலோ அல்லது மோரிலோ போட்டு பருகி வர வயிற்றுக் கோளாறுகள், அஜீரணம் போன்றவை ஏற்படாது. சர்க்கரை நோய் உள்ளவர்கள் தினமும் இந்தப்பொடியை தண்ணீர் அல்லது மோரில் கலந்து குடித்தால் சர்க்கரை நோய் கட்டுப்பாட்டில் இருக்கும்.

நாம் அன்றாட உணவில் பயன்படுத்தும் பொருட்களில் வெந்தயம் முக்கிய பங்கு வகுக்கிறது. இது உடலில் உள்ள ரத்த ஓட்டத்தை சீராக வைத்துக்கொள்ள உதவுகிறது. நம் உடலுக்கு தேவையான அனைத்து விதமான சத்துகளும் வெந்தயத்தில் உள்ளது. வெந்தய விதைகளில் போலிக் அமிலம், ரிபோபிளேவின் (பி2), வைட்டமின் ஏ, பைரிடாக்சின், வைட்டமின் சி, செலினியம், துத்தநாகம், மாங்கனீஷ், இரும்பு சத்து, தாமிரச்சத்து, பொட்டாசியம், உலோகச்சத்து, அமினோ அமிலங்கள் ஆகியவை உள்ளன.

வெந்தயம் உடலுக்கு குளிர்ச்சி அளிப்பதுடன், உடல் வெப்பத்தை சமநிலையில் வைக்கவும் உதவுகிறது. இரவில் வெந்தயத்தை ஊற வைத்து காலையில், அந்த தண்ணீரை பருகி வந்தால் உடல் குளிர்ச்சியாகவும், மலச்சிக்கலை போக்கவும் நல்ல மருந்தாக பயன்படுகிறது. கோடைக்காலத்தில் மோரில் வெந்தயத்தை ஊற வைத்து குடித்து வர நீரிழிவு, வயிற்றுப்புண், வாய் துர்நாற்றம் உட்பட பல நோய் கள் குணமாகும். பெண்களுக்கு முடி கொட்டும் பிரச்னையில் இருந்து விடுபட வெந்தயம் உதவுகிறது.

இரவு உறங்க செல்லும் முன் வெந்தயத்தை ஊற வைத்துவிட்டு காலையில் அதை விழுதாக அரைத்து அரை மணி நேரம் தலையில் தடவி குளித்து வந்தால் முடி உதிர்வது குறைவதோடு, அடர்த்தியாக வளரவும் செய்யும். பொடுகு பிரச்னை, அரிப்பு குறைவதோடு, முடி உதிர்வது நீங்கி தலைமுடி நன்கு வளரும்.

வெந்தயத்தை கஞ்சியில் சேர்த்து காய்ச்சி கொடுத்தால் தாய்ப்பால் சுரப்பு அதிகரிக்கும். கீரையுடன் கோழிமுட்டை, தேங்காய்பால் சேர்த்து சமைத்து உண்டால் இடுப்புவலி தீரும். வெந்தய காபி, வெந்தய தேநீர் குடிக்கலாம். வெந்தயத்தில் ஹைட்ரோ ஐசோலியூசின் என்ற அமினோ அமிலம் உள்ளது. இது கணையத்தில் உள்ள இன்சுலின் சுரப்பை தூண்டக் கூடிய தன்மை உடையது. தாவர வகைகளிலேயே வெந்தயத்தில் மட்டுமே இந்த அமினோ அமிலம் உள்ளது. இது கொலஸ்ட்ராலை குறைப்பதிலும் முக்கிய பங்காற்றுகிறது.

நீரிழிவு நோய்க்கு இயற்கை மருத்துவம்

தேங்காய் எண்ணெயில் மஞ்சள்தூளை போட்டுக் குழைத்து உடம்பிற்கு தடவி, பயத்தமாவை தேய்த்துக் குளித்தாள் தோல் பளபளப்பாகவும், மிருதுவாகவும் இருக்கும்.

——————————————————————————–

ஆரஞ்சு பழத்தை இரண்டாக வெட்டி முகத்தில் தேய்த்து, பத்து நிமிடம் கழித்து சோப்பு போட்டு கழுவ வேண்டும். தினம் இவ்வாறு செய்து வந்தால் முகம் பளபளப்பாகவும், இளமையுடனும் இருக்கும்.

——————————————————————————–

முகத்தில் உள்ள தேவையற்ற முடிகளை நீக்க அடிக்கடி எலுமிச்சை சாற்றை தடவ வேண்டும். தினமும் இவ்வாறு செய்வதால் முடி வளர்ச்சி குறைந்து முகம் அழகு பெறும்.

——————————————————————————–

பருமனாக இருப்பவர்கள் எடையை குறைக்க தினமும் காலையில் ஒரு டம்ளர் வெதுவெதுப்பான வெந்நீரில் ஒரு மூடி எலுமிச்சை பழச்சாற்றை பிழிந்து அதனுடன் அரை ஸ்பூன் தேன் கலந்து சாப்பிட்டால் எடை குறையும்.

——————————————————————————–

நகங்களை வெட்டும் முன் எண்ணெயை தடவிவிட்டு, சிறிது நேரம் கழித்து நகத்தை வெட்டினால், விரும்பும் வடிவத்திலும், அழகாகவும் வெட்ட இயலும்.

——————————————————————————–

கூந்தலில் எண்ணெய் பசை அதிகமாக இருந்தால், கோழி முட்டையில் கொஞ்சம் சர்க்கரையை கலந்து தலையில் லேசாக தடவிக்கொண்டு பிறகு தலைக்கு ஊற்ற வேண்டும். இதனால் எண்ணெய் பசை நீங்கி முடி அழகு பெறும்.

——————————————————————————–

தேநீரில் வடிகட்டிய பின், மிஞ்சும் தேயிலைத் தூளில் எலுமிச்சை சாறை பிழிந்து, தலையில் தேய்த்துக் குளித்தால், தலைமுடி பளபளப்பாகும்.

——————————————————————————–

வேப்பிலை, புதினா, சிறிது மருதாணி மற்றும் குப்பைமேனி இலைகளை காயவைத்து, தூளாக்கி வைத்துக் கொள்ளவும். இதில் சிறிது எடுத்து, பாலில் குழைத்து, முகத்தில் பூசி, 20 நிமிடம் ஊற வைத்து குளித்தால், முகம் வோடிக்குரு வராமல், வெளியில் கறுத்துப் போகாமல் இருக்கும்.

——————————————————————————–

இளம் சூடான ஒரு லிட்டர் நீரில், இரண்டு ஸ்பூன் உப்பைப் போட்டு, கண்களை கழுவினால் கண்கள் பிரகாசமாக இருக்கும்.

——————————————————————————–

கை, கால் முட்டிகளில் கறுப்பு நிறம் அதிகமாக இருந்தால், தொடர்ந்து அந்த இடத்தில் எலுமிச்சம்பழ சாற்றை தேய்த்து சோப்பு போட்டு குளிக்க வேண்டும் நாளடைவில் கறுப்பு நிறம் போய் விடும். தோல் வறண்டும், சுருக்கமும் இருந்தால் ஆலிவ் ஆயிலைப் பூசி, சிறிது நேரம் ஊற வைத்து, சோப்பு போட்டு குளிக்க வேண்டும்.

——————————————————————————–

இரவு படுக்கும் முன், புதினா சாறு இரண்டு தேக்கரண்டி, அரை மூடி எலுமிச்சம்பழ சாறு ஆகியவற்றுடன் பயிற்றம்பருப்பு மாவை கலந்து முகத்தில் தடவிக் கொண்டு பத்து நிமிடம் ஊறிய பிறகு ஐஸ் ஒத்தடம் கொடுக்க முகம் சுத்தமாகும். பருவினால் ஏற்பட்ட தழும்பும் மறையும்.
——————————————————————————–
ஆப்பிள் பழத்தை சின்னச் சின்ன துண்டுகளாக வெட்டி முகத்தில் தடவினால் சருமத்தில் உள்ள எண்ணைப் பசை குறையும்.

——————————————————————————–

முகத்தில் உள்ள முடிகளை அகற்ற, முட்டையின் வெள்ளை கரு, சர்க்கரை, சோளமாவு அனைத்தையும் ஒன்றாகக் கலந்து பசைபோல் ஆனதும் முகத்தில் தடவவும். காய்ந்தவுடன் மெதுவாக பிய்த்து எடுத்தால் முட்டையுடன் முடியும் எளிதில் வரும்.

——————————————————————————–

மோரை முகத்தில் தடவி 15 நிமிடம் கழித்து முகத்தைக் கழுவினால் வறண்ட சருமம் புதுப் பொலிவடையும்.

——————————————————————————–

பழுத்த வாழைப் பழத்தை நன்றாகப் பிசைந்து முகத்தில் தடவி, 20 நிமிடம் கழித்து கழுவினால், சருமம் மிகவும் மிருதுவாகும்.

——————————————————————————–

ஆரஞ்சு பழத்தோலை வெயிலில் காயவைத்து பொடி செய்து பாலுடன் கலந்து சருமத்தில் தடவி அரைமணி நேரம் கழித்து கழுவி வந்தால், வெயிலில் ஏற்பட்ட கருமை மறையும்.

——————————————————————————–

பால், கடலை மாவு, மஞ்சள், சந்தனம், அனைத்தையும் கலந்து முகத்தில் தடவி குளித்தால் சருமம் அழகாகவும், பளபளப்பாகவும் மாறும்.

——————————————————————————–

தேங்காய்ப் பாலுடன் ஒரு டீஸ்பூன் தேன் கலந்து முகத்தில் ஐந்து நிமிடம் மசாஜ் செய்தால் சோர்வடைந்து சருமம் புத்துணர்ச்சி பெறும்.

——————————————————————————–

தக்காளி பழத்தை இரண்டாக நறுக்கி முகத்தில் தடவினால் சருமத்தில் உள்ள எண்ணைப் பசை குறையும்.

——————————————————————————–

தோல் வறண்டும், சுருக்கமும் இருந்தால் ஆலிவ் ஆயிலைப் பூசி, சிறிது நேரம் ஊற வைத்து, சோப்பு போட்டு குளிக்க வேண்டும்.

சித்த மருத்துவ அழகுக் குறிப்புகள் :

உலகில் உள்ள அனைவரும், தங்கள் வாழ்நாளில் ஒரு தடவையாவது மலச்சிக்கல் வராமல் இருந்திருக்க மாட்டார்கள். மலச் சிக்கலுடனேயே பலர் வாழ்கின்றனர்.

மலச்சிக்கல் மலம் கழிப்பதில் ஏற்படும் கோளாறு. ஒரு நாளுக்கு ஒன்று அல்லது இரண்டு முறை மலம் கழித்தல் 'நார்மல்'. மலச்சிக்கல் ஏற்பட்டால் ஒன்று வெளியேறும் மலத்தின் அளவு குறையும். இரண்டாவது பல நாட்களுக்கு மலமே வெளியேறாது. அதுவும் மலம் கழிக்க சிரமப்பட வேண்டியிருக்கும். மலச்சிக்கல் உள்ளவர்கள் எப்போதும் வயிறு (மலக்குடல்) நிறைந்திருப்பது போன்ற உணர்வு இருக்கும். உடலில் பல நாள் கழிவுப் பொருட்கள் தேங்கியிருப்பது ஒரு வித சங்கடத்தை உண்டாக்கும். நாள்பட்ட மலச்சிக்கல் பல கோளாறுகளை உண்டாக்கும்.

மலச்சிக்கல், வயிற்று வலியை உண்டாக்கலாம். மலம் கெட்டிப்பட்டு போவதால் அது வெளியேற கஷ்டமாக இருக்கும். இதனால் வயிற்று வலி உண்டாகும். வாந்தியை உண்டாக்கலாம். பசி இருக்காது. ஜீரண மண்டலத்தில் கடைசி அங்கங்களான மலக்குடல், பெருங்குடலின் மலம் கெட்டிப்பட்டு இறுகி விடும். மலப்பாதையை அடைத்து கொண்டு விடுவதால், மேலும் வரும் மலம் வெளியேற முடியாமல் நின்று விடும். இதனால் தசை இழுப்பு, சுளுக்கு, வலி ஏற்படலாம்.

மலச்சிக்கல் ஒர் உயிர்க்கொல்லி நோயல்ல. அதனால் எப்போதாகிலும் மலம் கழியாது போகுமானாலும், அளவில் குறைந்து கழியுமானாலும் அதற்காகத் பயப்பட வேண்டிய தேவையில்லை. மேலும் ஒன்றிரண்டு நாட்களுக்கு மலம் கழியாது இருந்த பின்னர் கழிக்கின்ற போது மலம் அளவில் மிகுந்து இருக்குமெனவும் எதிர்பார்க்கக் கூடாது. ஏனெனில் உணவின் சக்கை, மலக் குடலிலே ஒரிரு நாட்கள் இருக்க நேரிடும் போது, அதிலுள்ள நீர்ச் சத்து முற்றிலுமாக உறிஞ்சப்பட்டு விடுவதால், மலம் கெட்டிப்பட்டுப் போவதுடன் அளவிலும் குறைந்து விடுகிறது. எனவே இந்த விஷயம் உங்கள் மன அமைதியைப் பாதிக்க வேண்டிய அவசியமில்லை. கழிவு எதுவும் வெளியே வராமல் உள்ளேயே தங்கி இருக்கப் போவதுமில்லை. சேர்ந்தாற் போல் சில நாட்கள் கழிவறைக்குச் செல்லாமல் இருந்தால் கூடக் கவலையுறத் தேவையில்லை. ஆனால் எப்போதும் மலம் கழிப்பதில் சிக்கல் உள்ளவர்களுக்குத்தான் இது பொருந்தும். நாள்தோறும் நேரந்தவறாமல் கழிவறைக்குச் சென்று வருகின்ற ஒருவருக்கு இது போல் நேருமானால் அவர் தனது உடல் நலத்தில் ஏதோ கோளாறு என்பதை உணர்ந்து மருத்துவரை நாடுதலே சரியாகும்.

காரணங்கள்

1. உணவில், உணவின் கொள்ளளவை அதிகரிக்கும் நார்ச்சத்து இல்லாமை

2. இயற்கையாக மலம் கழிக்கும் உணர்வு வந்தும், அதை அடக்கிக் கொள்ளுதல். கழிவுப் பொருட்கள் கோலோனிலிருந்து மலக்குடலுக்கு வந்து அதன் சீத சவ்வுடன் (Membrane) உராயும் போதே, கழிவறைக்கு செல்ல வேண்டுமென்ற உணர்வை மூளை தெரிவிக்கிறது. இந்த உணர்வை பொருட்படுத்தாமல் அடக்கிக் கொண்டே வந்தால், நாளடைவில் இவ்வுணர்வு தோன்றாமலே போய் விடும். பெருங்குடலின் தசை அசைவுகள் பெருமளவில் குறைந்தால் அது Colon Inertia (பெருங்குடல் மந்தம்) எனப்படும். இது தீராத மலச்சிக்கலை உருவாக்கும்.

3. உடலுழைப்பு, உடற்பயிற்சி இல்லாமை, குறிப்பாக வயதானவர்களுக்கு இது பொருந்தும்.

4. அமில எதிர்ப்பு (Antacid) மற்றும் மலமிளக்கி மருந்துகளும் காரணமாகலாம். அலுமினியம் ஹைட்ராக்ஸைட், மனதை சமனப்படுத்தும் மருந்துகள், அயச்சத்து மருந்துகள் இவை அடிக்கடி மலச்சிக்கலை உண்டாக்கும்.

5. பெருங்குடலுக்கு குறைந்த அளவு ரத்தம் பாய்ந்தால், கழிவை வெளியேற்றும் தசை அசைவுகள் பாதிக்கப்பட்டு மலச்சிக்கல் ஏற்படும்.

6. நீர்மச்சத்து குறைந்து போதல். போதுமான அளவு தண்ணீர் குடிக்காமலிருப்பதும் ஒரு காரணம். உடலில் நீர்ச்சத்து குறைந்தால், உடல் கழிவுப்பொருட்களிலிருந்து எல்லா நீரையும் உறிஞ்சிக் கொண்டு விடும்.

7. மலக்குடல் பாதிப்புகள்

8. பால் ஒவ்வாமை

9. அடிவயிறு மற்றும் குதத் தசைகளை 'கன்ட்ரோல்' செய்ய முடியாமல் போதல். இதை Dyschezia என்பார்கள்.

10. மன இறுக்கம் (Stress), மனச்சோர்வு (Depression) போன்றவை தீவிர மலச்சிக்கலை உண்டாக்கும். மனநிலை கோளாறுகளால் வயிறு பாதிக்கப்படும். மூளையில் உள்ள செரோடினின் 'லெவல்' பாதிக்கப்பட்டாலும் மலச்சிக்கல் ஏற்படும்.

11. கீழ்க்கண்ட வியாதிகள் மலச்சிக்கலை உண்டாக்கும். இந்த வியாதிகளால் கழிவுப் பொருட்களின் கோலோன், மலக்குடல், குதம் இவற்றின் வழியே நடக்கும் பயணத்தை தாமதப்படுத்தும். பார்க்கின்சன்ஸ் நோய், குறைந்த தைராயிட் சுரப்பு, ரத்தத்தில் அதிக அளவு கால்சியம், நீரிழிவு, நரம்பு மற்றும் முதுகெலும்பு பாதிப்புகள்.

12. தவறான உணவு, வாழ்க்கை முறை.

அறிகுறிகள்

வயிற்று வலி ஏற்படும். பிரட்டல் ஏற்படலாம். பசி எடுக்காது. சிரமப்பட்டு மலம் கழிப்பதால் குதத்தின் ரத்த நாளங்கள் பாதிக்கப்பட்டு மூலநோய் உண்டாகும். மலச்சிக்கலின் தீவிர பாதிப்பு மூலநோய்.

டைவர் டிகுலர் (Diverticular) வியாதி ஏற்படும். இறுகி, கல் போலான மலத்தால் பெருங்குடலின் சுவர்கள் பாதிக்கப்படும். இதனால் பெருங்குடலில் 'பலூன்' போன்ற 'பைகள்' உருவாகி வீக்கமும், அடைப்பும் ஏற்படும். இது தான் டைவர் டிகுலர் வியாதி.

ஆயுர்வேத சிணீச்சை அணுகுமுறை

ஆயுர்வேதத்தின் படி, ஒரு நாளில், அதாவது 24 மணி நேரத்தில் ஒரு தடவையாவது மலம் கழிக்காவிட்டால், அந்த கோளாறு மலச்சிக்கல்.

உணவு உண்ட நேரத்திலிருந்து 16 லிருந்து 24 மணி நேரத்துக்குள், அது ஜீரணமாகி, மீந்த கழிவு வெளியேற வேண்டும். கழிவை பெருங்குடல், மலக்குடலுக்கு 'தள்ளி' அது மலத்தை வெளியேற்ற வேண்டும். இந்த கழிவை "ஆமா" என்கிறது ஆயுர்வேதம். அனைத்து நோய்களின் காரணம் மலச்சிக்கலே என்று இயற்கை சிகிச்சை முறை கூறுகிறது.

இயற்கையின் உந்துதல்களை ஆயுர்வேதம் 'வேகம்' என்கிறது. மலவேகம் தடைப்பட்டால் ஏற்படும் உபாதைகளை ஆயுர்வேதம் கீழ்க்கண்டவாறு விவரிக்கிறது.

கீழ்க்காலின் கெண்டச் சதையில் வலி ஏற்படும்.

நீர்க்கோர்வை, ஜலதோஷம், தலைவலி அடிக்கடி ஏற்படும்.

வயிற்றில் வாயு (gas) அதிகமாகி, மேல்வயிற்றில் ஏறி "உதர விதானத்தை" (Diaphragm) அழுத்தும். மார்பு வலி இருக்கும்.

மலபந்தம், பார்வை மந்தம், பசியின்மை, வயிற்று வலி உண்டாகும்.

சிணீச்சை முறை

1. அத்திப்பழத்தை (உலர்ந்தவை) தண்ணீரில், இரவில் ஊறவைத்து, காலையில் உட்கொள்ளலாம்.

2. சாப்பிடும் முன்னும் அல்லது பின்னும் பப்பாளி பழத்தை உண்பது மலச்சிக்கலை கண்டிக்கும்.

3. காலையில் உப்பு சேர்த்த வெந்நீரில் எலுமிச்சம் பழச்சாறு பிழிந்து குடிக்கலாம்.

4. காலையில் எழுந்திருப்பதற்கு ஒரு மணி முன்பாக விழித்து, 1 - 2 கப் உப்பு கலந்த வெந்நீரை குடித்து மீண்டும் படுக்கச் செல்லவும். இது சுலபமாக மலம் கழிக்க உதவும்.

5. காரட் ஜுஸ்ஸடன் பசலைக் கீரை ஜுஸ், மற்றும் சிறிதளவு எலுமிச்சம் பழ சாறும் சேர்த்து பருகினால் மலச்சிக்கல் நீங்கும்.

உணவின் மூலம்

1. கோதுமை ரொட்டிகளை உண்ணவும். அரிசி உணவை குறைக்க வேண்டும்.

2. நிறைய பச்சை காய்கறிகள், நார்ச்சத்து நிறைந்த காய்கறிகளை சேர்த்துக் கொள்ளவும். நார்ச்சத்து மலச்சிக்கலுக்கு இயற்கையான நல்ல உணவு மருந்து.

3. நிறைய தண்ணீர் குடிக்கவும்.

4. பொறித்த உணவுகளை தவிர்க்கவும்.

5. வாத பிரகிருதிகளுக்கு நெய்யும், எண்ணையும் நன்மை செய்யும். பெருங்குடலுக்கு எண்ணை பசையை அளித்து, மலம் நகர உதவும்.

6. ஒதுக்க வேண்டிய உணவுகள் / - 'பாட்டில்' பானங்கள், ஜாம், பிரெட், ஐஸ்கிரீம், ஊறுகாய், அப்பளம், சீஸ், 'சமோசா' இவைகளை குறைக்கவும்.

7. சேர்க்க வேண்டியவை:- முழுகோதுமை, பாலிஷ் செய்யப்படாத அரிசி உலர்ந்த திராட்சை, அத்தி, மாதுளை, ஆப்பிள், வாழைப்பழம் போன்றவை. பீன்ஸ், முள்ளங்கி, கேரட், காலிஃப்ளவர், முட்டைகோஸ், வெங்காயம், வெள்ளரிக்காய் போன்ற காய்கறிகள்.

8. ஜீரகம், மிளகு, மஞ்சள், தனியா, பெருங்காயம் - இவற்றை உணவில் சேர்த்துக் கொள்ளவும்.

9. உணவை வாயில் அதிகமாக மென்று அரைத்தால் ஜீரணமாவது சுலபம்

10. காலை உணவை தவிர்க்க வேண்டாம்.

மூலிகைகள்

ஆயுர்வேதம் கிட்டத்தட்ட 600 மூலிகை களை பரிந்துரைக்கிறது மலச்சிக்கலுக்கு விரிவான வைத்தியம் ஆயுர்வேதத்தில் கிடைக்கும். நீங்களாகவே வைத்தியம் செய்து கொள்ளாமல் ஆயுர்வேத வைத்தியரை அணுகவும்.

இதோ சில மூலிகைகள்.

1. வில்வம் (Aegle marmelos) பொதுவாக பழங்கள் மலச்சிக்கலை தவிர்க்க உதவும். அவற்றில் சிறந்தது வில்வ பழம். நல்ல மலமிளக்கி. காயை விட பழுத்த பழம் ஏற்றது. குடல்களை கழுவும். 2-3 மாதங்கள் உபயோகிக்க வேண்டும். ஒரு நாளுக்கு 60 கிராம் பழம் போதுமானது. சாப்பிடும் முன் எடுத்துக் கொள்ளலாம்.

2. சரக்கொன்றை, கொன்னை (Cassia Fistula) கொன்னை மரத்தின் பழக்கதுப்பு மலச்சிக்கலை குறைக்கும் மலமிளக்கி. பக்க விளைவுகள் இல்லாதது.

3. ஆமணக்கு (Ricinus Communis) பழங்காலத்தில் நம் வீடுகளில் கடைப்பிடித்த விளக்கெண்ணை மருத்துவம். பாதுகாப்பானது.

4. கடுக்காய் (Terminala Chebula) இது ஒரு குறைந்த வீர்யம் கொண்ட மிருதுவான மலமிளக்கி. இதன் கதுப்பை கல் உப்பு, அல்லது இலவங்கம், கிராம்பு (சிறிய அளவில்) இவற்றுடன் உண்ண வேண்டும்

மலச்சிக்கல் தீர ஆயுர்வேத முறைகள்:



முழுமையான, செயற்படக்கூடியதொரு உடல் உறுப்பை ஒரு விலங்கின் உடலுக்குள்ளேயே வளர்த்து செயற்பட வைப்பதில் ஸ்காட்லாந்து விஞ்ஞானிகள் வெற்றிபெற்றிருக்கிறார்கள். இத்தகைய முயற்சி வெற்றி பெறுவது உலக அளவில் இதுவே முதல்முறையாக கருதப்படுகிறது.
ஆங்கிலத்தில் தைமஸ் என்று அழைக்கப்படும் கழுத்துக்கணையம் என்பது உடலின் முக்கிய உறுப்பு. மனிதர்களுக்கு இது இதயத்துக்கு மேலே கழுத்துப்பகுதிக்கு கீழே அமைந்திருக்கும். இரண்டு பிரிவாக இருக்கும் இந்த கழுத்துக்கணையம் மனிதர்களின் ஆரோக்கியத்துக்கு மிகவும் அவசியமானது. காரணம் இந்த கழுத்துக்கணையத்தில் தான் மனிதர்களின் நோய் எதிர்ப்புத்தன்மைக்கு மிக மிக அவசியமான டி செல்கள் முதிர்ச்சியடைந்து ஒட்டுமொத்த உடலுக்கும் பரவுகின்றன. இந்த டி செல்கள் தான் மனித உடலின் நோய் எதிர்ப்பு சக்திக்கான அடிப்படை கவசமாக செயற்பட்டு, மனித உடலுக்குள் புகமுயலும் எல்லாவிதமான நோய்க்கிருமிகளையும் தடுத்து தாக்கி அழிக்கின்றன.

இப்படிப்பட்ட கழுத்துக்கணையத்தைத்தான் தற்போது ஸ்காட்லாந்தின் எடின்பர்க் பல்கலைக்கழக விஞ்ஞானிகள் ஒரு விலங்கின் உடலுக்குள் செயற்கையாக உருவாக்கியிருக்கிறார்கள். முதல்கட்டமாக எலியின் கருப்பையில் இருக்கும் சிசுவின் உயிர்க்கலன்களை பிரித்தெடுத்த விஞ்ஞானிகள், அவற்றை தைமஸ் எனப்படும் கழுத்துக்கணையத்தில் இருக்கும் உயிர்க்கலன்களைப்போல மாற்றி அமைத்தார்கள். இந்த உயிர்க்கலன்களுடன் கழுத்துக்கணையத்தில் இருக்கும் மற்ற துணை உயிர்க்கலன்களுடன் இணைத்து, இந்த எல்லா உயிர்க்கலன்களையும் மீண்டும் எலியின் உள்ளே கொண்டுபோய் பதிய வைத்தனர்.

இப்படி பதியப்பட்ட தனித்தனி செல்கள் ஒன்றாக சேர்ந்து புத்தம்புது கழுத்துக்கணையமாக உருவெடுத்தன. இப்படி உருவான கழுத்துக்கணையம் இயற்கையான கழுத்துக்கணையத்தைப்போல டி செல்களை உற்பத்தி செய்து இயங்கவும் துவங்கியது விஞ்ஞானிகளை வியப்பில் ஆழ்த்தியிருக்கிறது.

கடந்த ஆண்டு விஞ்ஞான கூடத்தில் மனித மூளையை வளர்க்க செய்யப்பட்ட முயற்சிகளின்போது கருவுற்ற ஒன்பது வார சிசுவின் மூளையை உருவாக்கி விஞ்ஞானிகள் செய்த அதே மாதிரியான சாதனை மற்றும் உடல் உறுப்புக்களின் செயற்பாட்டை இந்த கழுத்துக்கணையத்தின் உருவாக்கத்திலும் விஞ்ஞானிகள் எட்டியிருக்கிறார்கள். இந்த இரண்டு பரிசோதனைகளின் வெற்றிகளும் மனித உயிர்க்கலன்களைக்கொண்டு மனித உறுப்புக்களை தனித்தனியாக மீளுறுவாக்கம் செய்யமுடியும் என்கிற நம்பிக்கையை மேலும் வலுப்படுத்தியிருப்பதாக சொல்கிறார் இந்த ஆய்வில் பங்கேற்ற பேராசிரியை கிளேர் பிளாக்பர்ன்.

குறிப்பாக கழுத்துக்கணையக் குறைபாடுகளுடன் பிறந்த குழந்தைகள் மற்றும் எலும்பு மஜ்ஜைக்கான மாற்று ஏற்பாடுகள் தேவைப்படும் குழந்தைகளுக்கு இந்த ஆய்வின் முடிவுகள் மிகவும் நம்பிக்கையளிப்பதாக அவர் தெரிவித்தார்.


ஆனாலும் அவர் கூறும் பலாபலன்கள் மனிதர்களுக்கு எட்டவேண்டுமானால் இந்த ஆய்வு மேலும் பல படிநிலைகளை கடந்து வரவேண்டி இருக்கும். முதலாவது எலியின் சிசுவுக்குள் சாத்தியமான இந்த மருத்துவ சாதனை மனிதர்களிலும் சாத்தியமாகுமா என்பதில் துவங்கி, இப்படி உருவாக்கப்படும் மனித உறுப்புக்களின் வளர்ச்சி கட்டுக்கடங்காமல் போய் அது புற்றுநோயாக உருவெடுக்குமா என்பது தொடர்பான சந்தேகங்களையெல்லாம் இந்த ஆய்வுகள் கடக்கவேண்டி இருக்கும்.

இப்படி பல தடைகளை கடக்கவேண்டியிருந்தாலும், பழுதடைந்த இயந்திரங்களின் உதிரி பாகங்களை கழற்றிவிட்டு புதிய பாகங்களை மாட்டி இயந்திரத்தை மீண்டும் இயக்குவதைப்போல பழுதடைந்த உடல் உறுப்புக்களுக்கு மாற்றாக, அதே உடலின் ஒரு சில உயிர்க்கலன்களை ஒன்றிணைத்து நினைத்த மாத்திரத்தில் தேவைப்படும் உடல் உறுப்புக்களை உருவாக்கி பொறுத்திக்கொள்ள முடியும் என்கிற சாத்தியப்பாடு நினைத்துப் பார்க்க முடியாத விஞ்ஞான அதிசயமாக கருதப்படுகிறது.

உலகின் முதல் முழுமையான உடல் உறுப்பு வளர்த்து சாதனை

நரைமுடி வருவதால் மக்கள் கவலைப்படுவது வழக்கம். ஆனால், மிகவும் அதிகமாகக் கவலைப்பட்டால் நம் தலையில் நரைமுடி தோன்றும் என்பதும் உண்மை தான். ஆணோ, பெண்ணோ... இளம் வயதில் நரை வந்துவிட்டால், அவர்கள் ரொம்பவே வருத்தப்படுவார்கள். நரைமுடி அவர்களுக்கு வயதான தோற்றத்தைக் கொடுப்பதால், அவர்கள் மிகவும் நொந்து போயிருப்பார்கள்.

நரையை மறைப்பதற்கு மக்கள் டை அடிப்பது இப்போதெல்லாம் சர்வ சாதாரணமாகிவிட்டது. பவுடர் மற்றும் திரவ நிலைகளில் நிறைய கம்பெனிகள் டை தயாரித்து வருகின்றன. அது மட்டுமல்ல, தற்போது பலப்பல வண்ணங்களிலும் நமக்கு இந்த சாயம் கிடைக்கிறது. ஆனாலும் அத்தகைய சாயங்களில் அம்மோனியா உள்ளிட்ட பல ரசாயனங்கள் கலந்திருப்பதால், முடி மற்றும் சருமம் ஆகியவற்றின் ஆரோக்கியம் பற்றிய கேள்விகள் எழுந்துள்ளன. முடிகள் உதிரவும், சருமங்களில் அலர்ஜி ஏற்படவும் வாய்ப்புகள் உள்ளன.

இதற்கு சரியான மாற்று வழி, ரசாயனங்கள் கலக்காத இயற்கையான முறையில் மூலிகைகளால் தயாரிக்கப்பட்ட சாயங்களை நாடுவதுதான். முடிந்தால், அவற்றை நாம் வீட்டிலேயே தயாரித்துக் கொள்ளலாம். நரை முடிகளுக்கான சில இயற்கை தீர்வுகள் குறித்து பார்க்கலாம். ஏற்கனவே இவை நமக்குத் தெரிந்திருக்கலாம். ஆனால் முயற்சித்திருக்கவே மாட்டோம். உடனே முயற்சி செய்து பாருங்கள்; பலன் நிச்சயம்!

தேங்காய் எண்ணெய், கறிவேப்பிலை

தேங்காய் எண்ணெயுடன் சிறிது கறிவேப்பிலையைச் சேர்த்து சிறிது நேரம் கொதிக்க வைக்க வேண்டும். பின் அதைக் குளிரச் செய்து, முடிகளில் நன்றாக மசாஜ் செய்து தேய்க்க வேண்டும். சுமார் அரைமணி நேரம் அப்படியே விட்டுவிட்டு பின்னர் மிதமான சுடுநீரில் ஷாம்பு கொண்டு கழுவினால், நல்ல பலன் கிடைக்கும். நரை முடியை மறைக்கும் திறன் கறிவேப்பிலையில் உள்ளது.

நெல்லிக்காய்

நெல்லிக்காயிலும் நரைமுடியை மறைக்கும் பண்பு காணப்படுகிறது. நெல்லிக்காயைச் சிறுசிறு துண்டுகளாக வெட்டி, நிழலில் நன்றாகக் காய வைக்கவும். பின், சுத்தமான தேங்காய் எண்ணெயில் அதைச் சிறிது நேரம் கொதிக்க வைத்து, பின்னர் அது குளிர்ந்ததும் தலையில் தடவ வேண்டும். சிறிது நேரம் கழித்து, ஷாம்பு கொண்டு கழுவ வேண்டும். தினமும் காலையில் நெல்லிக்காய் ஊற வைத்த நீரில் தலைமுடியைக் கழுவி வருவதும் நல்லது.

மோர், கறிவேப்பிலை

கறிவேப்பிலை கலந்த மோரைத் தலைமுடியில் தேய்த்து, அரைமணி நேரம் அப்படியே வைத்திருக்க வேண்டும். பின்னர் தலையை மெதுவாக மசாஜ் செய்து, தண்ணீரில் கழுவினால் சில நாட்களிலேயே நரை ஓடிப் போகும்.

நல்லெண்ணெய் மற்றும் கேரட் விதை எண்ணெய்

நரை வராமல் தடுப்பதற்கு, சிறிது கேரட் விதை எண்ணெயுடன் 4 ஸ்பூன் நல்லெண்ணெயை சேர்த்து தலையில் மசாஜ் செய்து தேய்க்க வேண்டும். சிறிது நேரம் கழித்து, ஷாம்பு கொண்டு கழுவ வேண்டும்.

எலுமிச்சை சாறு, பாதாம் எண்ணெய், நெல்லிக்காய்

இந்த மூன்றும் கலந்த கலவையைத் தயாரித்து 3 நாட்களுக்கு ஃபிரிட்ஜில் வைக்க வேண்டும். அந்தக் கலவையை தலைமுடியில் நன்றாக மசாஜ் செய்து, அரை மணிநேரம் அப்படியே விட்டுவிட வேண்டும். பின்னர், ஷாம்பு கொண்டு குளிர்ந்த நீரில் கழுவ வேண்டும். தினமும் இதை செய்து வந்தால் நரைமுடிக்கு 'குட்-பை' சொல்லிவிடலாம்.

நரைமுடிக்கு 'குட்-பை' சொல்ல 5 நல்ல இயற்கை வழிகள்!!